Matur | mbl | 6.12.2017 | 14:02

Súkkulaðistangir með heslihnetum

Ömmukökurnar góðu... mbl.is/Berglind Hreiðarsdóttir

Þetta eru dásamlegar súkkulaðikökur með hökkuðum heslihnetum sem einnig má skipta út fyrir hakkaðar möndlur fyrir þá sem vilja. Það er Berglind Hreiðarsdóttir á Gotterí og gersemar sem á heiðurinn að þessum dásemdarstönum en amma hennar var vön að baka þær á aðventunni.

Súkkulaðistangir með heslihnetum

360 g hveiti
250 g smjör
250 g sykur
4 msk bökunarkakó
2 egg
Hakkaðar heslihnetur frá “Til hamingju“

Aðferð:

Hrærið saman hveiti, smjör, sykur, bökunarkakó og egg með K-inu.
Rúllið deiginu í góða kúlu, plastið og kælið í klukkustund.
Skiptið kældu deiginu niður í fjóra hluta og rúllið hvern í lengjur sem eru um 1 cm í þvermál.
Stráið (og þrýstið) hökkuðum heslihnetum yfir lengjuna ásamt því að strá smá sykri yfir líka og skerið hana á ská í um 5 cm langa bita og raðið á bökunarplötu.
Bakið við 180°C í um 15-17 mínútur.
Blandan gefur um 40-50 súkkulaðistangir.