Matur | mbl | 19.12.2017 | 18:04

Yfirliðsvaldandi marengsterta með kókosflögum

Kakan var sérdeilis dásamleg. mbl.is/ÞS

Það er eins gott að borða þessa köku í desember því þessi gleðisprengja verður seint skilgreind sem aðhaldsfóður.

En dásamleg er hún. Svo dásamleg reyndar að hún vann til verðlauna á jólahlaðborði starfsmanna Árvakurs sem haldið var á dögunum. Það er Sigrún Guðmundsdóttir sem á heiðurinn af uppskriftinni og við þökkum henni að sjálfsögðu kærlega fyrir að vilja deila með þjóðinni.

Marengsterta með kókosflögum

4 eggjahvítur
2 bollar flórsykur
1 tsk. lyftiduft
2 bollar kornflex

Eggjahvítur og flórsykur stífþeytt saman. Kornflexi og lyftidufti bætt út í með sleif. Ég teikna fyrir botnunum á bökunarpappír og baka við 150 gráðu hita í klukkutíma (ca. 130 gráður á blæstri). Á milli botna:

2 pelar rjómi
3 kókosbollur

Rjóminn þeyttur og kókosbollurnar marðar út í. Krem ofan á: 2 mars og ca. 3 msk. rjómi brætt saman og sett ofan á kökuna. Kókosflögum dreift yfir og meðfram kökunni á diskinum.