Matur | Morgunblaðið | 26.12.2017 | 17:05

Bragðmiklar hasselback-kartöflur með osti og bökuðum rauðlauk

Meðlæti skiptir gríðarlega miklu máli eins og gefur að skilja og hasselback kartöflur skora alltaf hátt enda er allt gott sem inniheldur mikið af góðum ostum eins og þessi réttur gerir.

Bragðmiklar hasselback-kartöflur með osti og bökuðum rauðlauk

Fyrir 6

600-800 g smáar kartöflur
2 vænir rauðlaukar
bragðmikill stífur ostur,
(t.d. Óðals, Tindur eða sterkur Gouda)
100 g smjör, brætt
salt og pipar
steinselja til skrauts

Aðferð:

Skerið þunnar rifur í kartöflurnar og gætið þess að skera ekki alla leið í gegn.
Skerið ostinn í litla bita og stingið 3-4 bitum í hverja kartöflu.
Leggið kartöflurnar í eldfast mót og setjið laukinn í bátum inn á milli.
Hellið bræddu smjöri yfir allt saman og kryddið með salti og pipar.
Bakið við 180 gráður í 40 mínútur eða þar til kartöflurnar eru eldaðar í gegn.
Stráið steinselju yfir og berið fram.

Höfundur: Helena Gunnarsdóttir