Hægeldaður sælgætislax fyrir öll tilefni

• 2 msk. extra-virgin ólíufuolía
• 1 laukur, smátt skorinn
• 1 lárviðarlauf
• sjávarsalt
• 1 bolli steinlausar ólífur, skornar í fernt
• 1/4 bolli capers
• 1/4 bolli rúsínur
• 6 msk. dökkt romm
• 2 msk. ferskur limesafi
• 4 x 180-200 gr. laxabitar
• ferskur svartur pipar
• 4 msk. ferskt saxað kóríander
• Limebátar

1. Hitið ofninn í 135 gráður. Hitið 2 msk. af olíu á stórri pönnu á miðlungshita. Setjið laukinn, lárviðarlaufið og ögn af salti á pönnuna og látið eldast. Hrærið reglulega í og lækkið hitann ef laukurinn er að brúnast of hratt. Þetta ætti að taka um 25-30 mínútur eða þar til laukurinn er orðinn gullinbrúnn.
2. Setjið ólífurnar, capers, rúsínurnar og 2 msk. af vatni á pönnuna og eldið. Hrærið af og til í eða þar til ólífurnar eru orðnar mjúkar. Þetta ætti að taka um fjórar mínútur. Bætið þá rommi við og eldið þar til vökvinn hefur gufað upp eða í um fimm mínútur. Takið pönnuna af hitanum og bætið limesafanum saman við og 1 msk. af vatni. Ef þörf þykir skal bæta meira vatni við svo það verði sósubragur á blöndunni. Saltið.
3. Kryddið laxinn með salti og pipar. Skerið niður fjórar meðalstórar arkir af bökunarpappír. Setjið fjórðung af sósunni á miðjan bökunarpappírinn, stráið kóríander yfir og gerið „gat“ í miðja sósuna fyrir einn laxabita. Sullið smá olíu yfir. Takið upp endana á bökunarpappírnum og lokið þannig að það verði eins og poki utan um laxinn. Setjið á ofngrind. Endurtakið með hina þrjá fiskbitana.
4. Bakið í ofninum í 20-22 mínútur ef laxinn á að vera miðlungsvel steiktur (fer auðvitað líka eftir þykktinni). Takið úr ofninum og látið standa í tvær mínútur eða svo. Opnið pokann og sáldrið smá kóríander yfir. Berið fram með limebátunum til að kreysta yfir.