Gourmet-bollur með dökku súkkulaði og appelsínu

• 2,5 dl rjómi
• 2,5 dl nýmjólk
• 1 pakki ROYAL-súkkulaðibúðingur

• Appelsínumarmelaði
• 70% súkkulaði
• Mjólk
• Appelsína

Mjólk og rjóma blandað saman, búðingsduftið þeytt saman við. Látið stífna.

Bræðið 70% súkkulaði í pott við vægan hita og hrærið smá mjólk saman við.

Skerið bolluna í sundur, smyrjið botninn með marmelaðinu, sprautið svo búðingnum ofan á og lokið. Smyrjið svo bræddu súkkulaðinu yfir bolluna og endið á að rífa örlítinn appelsínubörk yfir.

Þegar hluta af mjólkinni er skipt út fyrir rjóma verður búðingurinn enn þá þykkari og með því að skipta þessu alveg til helminga fáum við búðing sem minnir hvað helst á frómas. Við mælum einmitt sérstaklega með að prufa þessa fyllingu líka í tertur og á pönnukökurnar eða vöfflurnar.