Eggjabrauðið hennar mömmu

4 sneiðar gott brauð 
2 egg 
1/3 tsk salt
salat svo sem iceberg eða spínat 
1 tómatur
10 sneiðar súr gúrka 
6 ostsneiðar, t.d. Havartí eða Búri 
sinnep 
1 tsk smjör 
1/3 rauð paprika 

Pískið eggið í skál með saltinu. Smellið brauðsneiðunum í skálina, einni í einu, og látið brauðið draga eggjablönduna í sig. 

Steikið á pönnu upp úr smjöri sirka 2-4 mínútur á hvorri hlið á meðalhita eða þar til brauðið er tekið að gyllast. Setjið þá vel af osti á tvær af fjórum sneiðum. Slökkvið undir og látið ostinn bráðna á meðan áleggið er undirbúið. 

Raðið káli, gúrkum, tómatsneiðum og papriku á aðra sneiðina, smyrjið hina með sinnepi og lokið herlegheitunum.