Fljótlegt pítsarúllubrauð sem börnin elska
Setja bókamerki
Hvernig væri að skella í fljótlegan brauðrétt sem allir á heimilinu elska? Hvort sem það er í kaffitímanum, barnaafmælið, fermingu eða bara næsta partýi þá er pítsarúllan málið. Hver elskar ekki brauðrétti og pítsur?
Hér setti ég uppáhaldsálegg heimilisfólksins á brauðið en auðvitað má nota það álegg sem hverjum og einum hentar hvað best!
Hér er komin síðasta uppskriftin í hinu geysivinsæla og girnilega brauðréttaeinvígi Matarvefjarins.
Pítsarúlla
1 gróft rúllutertubrauð
200 g sveppir, steiktir
100 ananassneiðar
20 stk. pepperónísneiðar
2 dl pítsasósa
100 g rjómaostur
180 g rifinn ostur
Hitið ofninn í 180 gráður.
Opnið brauðið og smyrjið pítsusósu vel út á alla kanta. Gætið þess að bleyta brauðið ekki of mikið. Skiljið smá sósu eftir til að smyrja ofan á rúlluna.
Dreifið álegginu jafnt yfir brauðið. Þ.e.a.s. pepperóníinu, sveppum, ananasbitum og rjómaostklessum. Dreifið ostinum að lokum yfir líkt og um pítsu væri að ræða. Geymið dulítinn ost til að setja ofan á rúlluna.
Rúllið brauðinu þétt upp. Gott er að nota plastið sem var utan um brauðið til þess. Einnig er gott að geyma rúlluna í plastinu ef ekki á að baka hana strax.
Setjið smá sósu og rifinn ost áður en brauðinu er skellt inn í ofn. Bakið í 15 mínútur. Skreytið með basillaufum og ananassneiðum.
Alvarleg netárás á Wise
Fyrsti blaðamannafundurinn í heild sinni
Beint: Ný ríkisstjórn tekin við völdum
Barn lést í árásinni
Lát hjóna í Neskaupstað: Ákæra gefin út
„Mér finnst gamla Samfylkingin komin aftur“
