Matur | mbl | 10.4.2018 | 11:32

Ljúffengir laxaborgarar með hrásalati

Girnilegir laxaborgarar sem ættu að slá í gegn á hverju heimili. mbl.is/A pinch of salt

Þessi réttur er í senn afskaplega auðveldur og bragðgóður. Að auki er hann barngóður þannig að þetta er hinn fullkomni fjölskyldukvöldverður.

Vissulega er hægt að nota annan fisk í borgarana - það er alls ekki heilagt en smakkið til og verið óhrædd við að prufa ykkur áfram með kryddblöndur og kryddjurtir. Svo er alltaf gott að læða smá smjöri á steikarpönnuna er stemningin kallar á. En bara annars ekki...

Laxaborgarar

380 gr eldaður lax
2 egg
1/2 brauðmylsna
1 tsk salt
1/2 tsk hvítlauksduft
1/4 bolli ferskar kryddurtir
kreysta af sítrónusafa
ólífuolía til steikingar

Hrásalat

1 kálhaus, fínt rifinn
240 ml grísk jógúrt
2-3 hvítt edik
1 tsk salt
1/2 tsk hvítlauksduft
1/2 bolli ferskar jurtir
ólífuolía

Aðferð:

Borgararnir: Takið laxinn í sundur. Blandið öllum hráefnunum saman og gerið þrjá stóra eða fjóra miðlungs borgara. Hitið olíuna á pönnu og steikið borgarana í nokkrar mínútur eða þar til báðar hliðar eru orðnar gylltar og stökkar. Setjið á eldhúspappír og sáldrið salti yfir.
Hrásalatið: Blandið öllum hráefnunum saman. Smakkið til.
Setjið hrásalatið á disk og borgara ofan á. Gott er að bera borgarana fram með grískri jógúrt.