Það er fátt betra á fallegum degi en ilmandi æðislegt sítrónukaka - hvað þá ef hún er toppuð með grískri jógrúrt og berjum.
Hér gefur að líta nýjasta þátt Hraðrétta og það ætti ekki nokkur að lenda í vandræðum með að baka þessa snilld því það er útskýrt eins aðgengilega og kostur er.
Sítrónukaka með grískri jógúrt og berjum
- 2 sítrónur, börkur af báðum og safi af einni (safi af 1½ ef þær eru mjög litlar)
- 140 g smjör
- 160 g sykur
- 80 g hveiti
- 2 msk. rjómi
- 2 egg
- 1 tsk. vanilludropar
- 200 g Örnu grísk jógúrt
- 150 g blönduð ber eða ávextir
- nokkrar timian eða myntugreinar, má sleppa
- 2 msk. flórsykur
Aðferð:
- Hitið ofninn í 180°C.
- Setjið bökunarpappír í botninn á smelluformi sem er 20 -22 cm í þvermál.
- Þvoið sítrónurnar og þurrkið þær vel. Bræðið smjörið í litlum potti.
- Setjið sykur og hveiti í rúmgóða skál. Hellið smjörinu, Örnu rjóma og vanilludropum út í og hrærið saman.
- Bætið eggjum, sítrónubörk og safa út í og hrærið allt vel saman með sleif. Hellið hrærunni í formið og bakið þetta í 20-22 mín.
- Látið kökuna kólna aðeins og losið hana síðan úr forminu og setjið á kökudisk.
- Berið fram með Örnu grískri jógúrt, berjum og e.t.v. ferskum timiangreinum eða myntu.
- Dustið yfir með flórsykri.
Sumarleg sítrónukaka með grískri jógúrt og ferskum berjum.
mbl.is/