Kjúklingasúpa með asískum kryddum

Hér er uppskrift að dásamlegri súpu sem er akkúrat súpan sem er gott að fá sér núna þegar kalt er í veðri. Límónulaufin gefa súpunni mjög sérstakt bragð en þau er hægt að fá í Asíubúðum, frosin í litlum kassa sem er gott að eiga í frysti. Við mælum með að kaupa núðlur þar líka, þær eru einfaldlega svo miklu betri þar og eins er kókokmjólkin í fernunum 100% kókosmjólk og það er mikill munur á henni og flestu öðru.  Five-spice er hægt að búa til sjálfur en það er gott að nota t.d. til að krydda andarbringu með, það gefur frábært bragð.

• 3 hvítlauksgeirar
• 5 cm bútur engifer
• 40 g ferskur kóríander
• 1 ferskur rauður chilipipar
• 3 msk. olía
• 400 g kókosmjólk
• 6 dl vatn
• 2 tsk. kjúklingakraftur
• 2 límónulauf ( kafir lime leaf fást frosin í asíubúðum)
• 3 msk. fiskisósa
• 200 g hrísgrjónanúðlur, soðnar eftir leiðbeiningum á pakkanum
• 1 límóna, safi úr henni
• 3-4 vorlaukar, sneiddir þunnt
• 500 g beinlaus kjúklingur, best að nota úrbeinuð læri
• 2 msk. five-spice krydd, fæst í asíubúðum en er hægt að búa til mjög gott heima
• Setjið hvítlauk, engifer, kóríander og chili í matvinnsluvél og blandið mjög vel saman.

Heimagert five-spice:

• 1 msk. stjörnuanís
• 1 meðalstór kanelstöng
• 1 msk. svartur pipar
• 1 msk. heilar kardimommur
• 3 msk. sykur

Hitið olíuna á djúpri pönnu og steikið kryddblönduna þar til blandan er vel steikt og eldhúsið ilmar vel. Hellið kókosmjólkinni, vatninu og kjúklingakrafti og límónulaufum, ef þið eigið þau, út í og látið allt sjóða saman í 10 mín. Bætið fiskisósu í og smakkið til með límónu.

Á meðan súpan sýður; veltið kjúklingnum upp úr five-spice blöndunni og steikið hann á pönnu á báðum hliðum. Sjóðið núðlur eftir leiðbeiningum og haldið þeim volgum. Þetta hvortveggja má gera tímanlega og setja til hliðar.

Setjið súpuna saman þannig. Skiptið núðlum á milli í 4 skálar, ausið súpunni yfir, skerið kjúklinginn í strimla og setjið yfir, toppið með söxuðum vorlauk, fersku rauðu chili og meira af ferskum kóriander. Uppskriftin er fín fyrir fjóra svanga.

Allt sett í krydd- eða kaffikvörn og malað fínt. Gott í ýmsa rétti og frábært til að velta andarbringum upp úr.