Partí-tortilla

fyrir 4-6

• 3 msk. olía
• 1 laukur, skorinn í fernt og sneiddur
• 2 hvítlauksgeirar, saxaðir fínt
• ½ -1 tsk. kanill
• 2 dósir taco-sósa, meðalsterk, frá Old el Paso
• 1 tsk. chiliduft
• ½ dl vatn
• 600 g eldaður kjúklingur, gott að nota afgangskjúkling
• 8 -10 stórar tortillakökur frá Old el Paso
• 1 dl jalapeno frá Old el Paso
• 2 dl rifinn ostur

AÐFERÐ:

1. Hér er upplagt að nota afgangskjúklingakjöt. Hitið olíu á pönnu og steikið laukinn í nokkrar mínútur, hann má gjarnan brúnast aðeins. Bætið hvítlauk í og steikið áfram í 1-2 mín. Bætið kanil, chili og taco-sósu í ásamt örlitlu vatni og látið þetta nú malla saman, ekki með lok á pönnunni, í 3-5 mín. Bætið kjúklingi út í og hitið vel saman. Smakkið til með salti og pipar.
2. Setjið olíu á pönnu. Leggið eina tortillaköku á pönnuna. Setjið fyllingu á annan helminginn á tortillakökunni og leggið hana saman. Steikið báðum megin. Færið yfir á bökunarplötu og setjið rifinn ost ofan á hverja köku og bregðið undir grill.