Grandi Mathöll: Rabbar Barinn

Rabbar Barinn heitir staður sem var opnaður fyrst á Hlemmi en er nú einnig kominn á Granda. Starfsmaðurinn Ólafur Kári Ragnarsson segir þau elska mathallir og eru þau því afar ánægð að hafa opnað á Mathöll Granda.

„Við bjóðum upp á súpur og samlokur en uppáhaldsrétturinn er humar- og beikonlokan. Hún selst eins og heitar lummur. Við bjóðum líka upp á grænmeti í lausasölu sem selst mjög vel enda allt íslenskt beint frá bónda,“ segir hann.