Langbesti forrétturinn
Hunangsmelóna fer afar vel með bláberjum. Fersk mynta og basil ásamt balsamik sírópi tekur salatið á næsta stig.
mbl.is/produceonparade
Ester Hilmarsdóttir
Setja bókamerki
Þetta dásamlega melónusalat er í senn ferskt, sætt, salt og súrt. Það er ráðist á bragðlaukana úr öllum áttum svo úr verður dásamleg blanda sem bráðnar í munni. Að við tölum nú ekki um hversu fallegt salatið er á diski. Þetta tekur enga stund að undirbúa og steinliggur sem forréttur í næsta matarboði.
Langbesti forrétturinn - melónusalat með bláberjum
- 1 hunangsmelóna
- 2 msk. fersk mynta
- 2 msk. ferskur basil
- ½ bolli bláber
- 3 msk. balsamik síróp
Aðferð
- Afhýðið og skerið melónuna í bita. Saxið myntu og basil og sáldrið yfir. Hellið balsamik sírópi yfir allt og blandið vel saman í stórri skál.
- Einnig má njóta salatsins í eftirrétt, en þá mælum við með því að sáldra ofurlitlum sykri yfir, eða matskeið af hunangi.
- Geymið salatið inni í ísskáp þar til bera skal á borð. Best er að njóta þess beint úr ísskápnum.
Þetta ljúffenga salat virkar við fjölmörg tilefni, sem forréttur, millimál eða eftirréttur.
mbl.is/produceonparade
Máttu ekki auglýsa „mesta úrvalið“ og „besta verðið“
Fjallvegir á Vestfjörðum og víða um land á óvissustigi
Íslendingar vanir að klæða sig vel
„Á allt sitt undir því að njóta trausts almennings“
Gular viðvaranir í dag og á morgun
Segja tölur um opinbera starfsmenn skakkar