Döðlukaka með heitri karamellusósu
Setja bókamerki
Döðlukakan frá GOTT hefur fyrir löngu öðlast heimsfrægð á Íslandi enda með afbrigðum bragðgóð og dásamleg. Nú hefur Matarvefnum áskotnast uppskriftin sem við deilum að sjálfsögðu með okkar ástkæru lesendum. Njótið vel!
Döðlukaka með heitri karamellusósu
- 3 egg
- 120 g hrásykur
- 300 g döðlur (steinlausar)
- 150 g smjör
- 270 g fínt spelthveiti
- 30 g lyftiduft
- 1 tsk sjávarsalt
Hitið ofninn í 170°C. Hrærið egg og hrásykur saman í um 10 mínútur. Setjið döðlur í pott og vatn út í svo rétt flýtur yfir döðlurnar. Látið suðuna koma upp og bætið smjöri saman við. Slökkvið undir og látið standa í nokkrar mínútur.
Bætið döðlum ásamt vökva saman við eggjablönduna. Bætið spelthveiti, lyftidufti og salti saman við og hrærið aðeins. Setjið bökunarpappír í form, smyrjið og hellið deiginu í formið. Bakið í 40 mínútur. Kakan á að vera aðeins blaut.
Karamellusósa
- 125 g hrásykur eða kókospálmasykur
- 150 g smjör
- 1 tsk vanilludropar
- 400 ml rjómi
Setjið hrásykur í pott og hitið þar til hann verður gullinbrúnn. Bætið þá öðru hráefni út í og látið sjóða þar til hæfilega þykkt. Hellið yfir kökuna. Best er að bera kökuna fram með heitri karamellusósu, berjum, þeyttum rjóma eða ís.
Sjötti ferðamaðurinn er látinn
Pútín reynir allt til að forðast aðra herkvaðningu
Nýtt fangelsi í landi Stóra-Hrauns tilbúið 2028
Hraun kemur úr þremur gígum: Virknin stöðug
Sólveig Anna furðar sig á aðferðum kennara
Hentugt gos fyrst gýs á annað borð
Hópur fólks reyndi að komast að eldgosinu
Vika í kosningar: Þetta segja kannanir