Gjöriði svo vel, það er komin bláberjabaka á borðið. Það eru eflaust einhverjir sem láta ekki bjóða sér slíkt góðgæti tvisvar. Þessi er með súkkulaði og mascarpone-kremi – einn, tveir og baka!

Mascarpone krem:

• 1 vanillustöng
• 250 g mascarpone-ostur
• 2½ dl rjómi
• 2 msk. sykur

Skraut:

• 250 g bláber
• Börkur af sítrónu

Tertudeig aðferð:

1. Skolið möndlurnar og hakkið þær mjög fínt í matvinnsluvél.
2. Bætið hveiti, flórsykri, smjöri og eggi við möndlurnar og geymið blönduna í kæli í 30 mínútur.
3. Stráið hveiti á borðið og rúllið deiginu út. Leggið deigið í smurt tertufat (um 24 cm) þannig að deigið nái yfir botn og hliðar.
4. Bakið í ofni við 175° í 15-20 mínútur og leyfið að kólna.
5. Bræðið súkkulaði yfir vatnsbaði. Penslið súkkulaðinu yfir botninn þegar botninn hefur kólnað. Leyfið botninum að standa smá stund í kæli þar til súkkulaðið hefur stífnað.

Mascarpone-krem:

1. Skerið vanillustöngina langsum og skrapið innan úr með litlum hníf. Merjið vanillukornin með smávegis af sykrinum, þannig að kornin skiljist að. Pískið mascarpone-ostinum saman við rjómann, vanillukornin og restina af sykrinum þar til blandan verður létt í sér. Smyrjið yfir tertubotninn.
2. Skreytið bökuna í lokin með bláberjum og rífið smá sítrónubörk yfir berin.

Tengdar fréttir

Uppskriftir

Kartöflusalatið sem sló í gegn hjá Michelin-stjörnukokki

• Undursamlega góð bleikja í taílenskri sesam- og engifermaríneringu
• Rauðbeðuduftið gerir allt jólalegra
• Seytt rúgbrauð með reyktum silungi og sprettum sem steinliggur
• Osta- og hunangsveisla fyrir ostaunnendur

» Fleiri tengdar fréttir

• Blogga um frétt