Ómótstæðilegt pastasalat með serrano og mozzarella
Salat gerist ekki mikið girnilegra en þetta.
mbl.is/SpiseBedre
Setja bókamerki
Það er svo dásamlegt að borða mat sem „lúkkar“ líka vel. Pasta getur verið frekar einsleitt en hér fær það félagsskap jarðarberja, serrano-skinku, mozzarella og balsamikediks. Það klikkar ekkert með þetta á matarborðinu.
Ómótstæðilegt pastasalat (fyrir 4)
- 400 g pastaslaufur
- 150 g serrano-skinka
- 2 msk. ólífuolía
- 300 g jarðarber
- 50 g rucola
- 250 g litlar mozzarellakúlur
- 1 lítill rauðlaukur
- Fersk basilika
- Salt og pipar
- 2 dl balsamikedik
Aðferð:
- Sjóðið balsamikedikið í litlum potti þar til helmingurinn af vökvanum hefur gufað upp. Hellið því næst í krukku eða skál og geymið í ísskáp.
- Sjóðið pastað eftir leiðbeiningum, hellið vatninu af og skolið undir köldu vatni.
- Hitið ofninn í 175° og bakið serrano-skinkuna á bökunarpappír á plötu í 5 mínútur, þar til skinkan verður stökk.
- Veltið pastanu upp úr olíu í skál. Skolið jarðarberin og skerið þau í skífur. Skolið og þurrkið rucola-salatið. Blandið jarðarberjum, rucola og mozzarellakúlunum saman við pastað.
- Skerið rauðlauk í þunnar skífur og blandið við salatið ásamt basiliku, salti og pipar.
- Setjið salatið á fat og brjótið skinkuna yfir í litla bita. Hellið því næst balsamikediki yfir og berið fram.
Héldu að kvikuhlaup gæti verið að hefjast
/frimg/1/52/67/1526758.jpg)
„Það er engin ákveðin hreyfing í deilunni“
„Við vorum alveg á nippinu“
„Þetta er ljót mynd“
Tíu börn á spítala, þar af tvö á gjörgæslu
Fer fram á sex og hálfs ára fangelsi yfir Jóni Inga
Ekki gerlegt að sakfella eftir lýsingu í ákæru
Svona verður endaspretturinn