Klassískt makkarónusalat

• 500 g makkarónur
• 1 bolli majónes (má vera meira)
• 2 bollar sellerí, skorið
• 3 msk. relish
• 1 bolli vorlaukur, skorinn
• 2 msk. sinnep
• 1 msk. safi úr sítrónu
• ½ tsk. sjávarsalt

Til skrauts: Ferskt dill, vorlaukur í sneiðum, radísur, ætileg blóm eða annað sem hugurinn girnist.

Aðferð:

1. Sjóðið makkarónurnar samkvæmt leiðbeiningum, hellið vatninu af, látið renna kalt vatn á makkarónurnar. Leggið til hliðar.
2. Blandið í stóra skál makkarónum, majónesi, sellerí, relish, vorlauk, sinnepi, sítrónusafa og salti. Blandið vel saman og smakkið til með aðeins meira sinnepi, sítrónusafa og salti. Þegar tilbúið, dreifið þá fersku dilli yfir eða öðru því sem til fellur.