Matur | mbl | 14.9.2018 | 14:01

Hamborgari fyrir þá sem þora

Þessi tvöfaldi hammari er áskorun! mbl.is/SpoonForkBacon

Það er ekki annað hægt en að elska hamborgara, enda fullkomin máltíð sem má matreiða á svo marga vegu. Þessir borgarar eru áskorun fyrir þig! Tvöfaldur með cheddar osti, laukhringjum, beikoni og bbq sósu – það er ekki eftir neinu að bíða.

Hamborgari fyrir þá sem þora (fyrir 4)

4 msk. mjúkt smjör
4 hamborgarabrauð, brioche
500 g nautahakk
8 sneiðar cheddar-ostur
16 sneiðar af beikoni
8-12 laukhringir (og fleiri ef vill til hliðar)
BBQ-sósa
salt og pipar

Aðferð:

Penslið hamborgarabrauðin léttilega með mjúku smjöri.
Formið nautahakkið í borgara, saltið og piprið allar hliðar og setjið á grillið.
Þegar borgararnir eru við það að vera tilbúnir, leggið þá cheddar-ostsneiðar á kjötið og leyfið ostinum að bráðna á meðan hamborgarabrauðin eru rétt hituð með smjörhliðina sem vísar niður.
Setjið borgara á brauðbotn með bbq-sósu, beikon, aftur borgara, laukhringi, meiri bb- sósu og lokið hamborgaranum með brauði.