Matur | mbl | 24.9.2018 | 14:34 | Uppfært 15:46

Lágkolvetna hunangskjúklingur sem engan svíkur

Lágkolvetna hunangskjúklingur. mbl.is/Einn, tveir og elda

Hver elskar ekki góða kjúklingauppskrift, hvað þá ef hún er lágkolvetna en engu að síður alveg syndsamlega góð? Eiginlega bara fullkomin á degi sem þessum.

Uppskriftin kemur úr smiðju Einn, tveir og elda og því gulltryggt að um gourmet-uppskrift er að ræða.

Lágkolvetna hunangskjúklingur með ofnbökuðu graskeri

Fyrir tvo, 40 mínútur

400 gr. úrbeinuð kjúklingalæri
300 gr. grasker (butternut)
50 gr. spínat
20 ml ólífuolía
10 ml hunang
20 ml sojasósa
1 hvítlauksgeiri
10 gr. saxað engifer
salt og pipar

Aðferð:

Hitið ofninn í 200°C. Blandið saman í skál olíunni, hunanginu, sojasósunni, söxuðum hvítlauksgeiranum, saxaða engiferinu og smá salti og pipar. Setjið kjúklingalærin í marineringuna og leyfið honum að marinerast í 10 mínútur.
Færið kjúklinginn í eldfast mót og bakið í um það bil 30 mínútur eða þar til hann er fulleldaður.
Skerið graskerið í bita og setjið í eldfast mót, kryddið með salti og pipar eftir smekk og dreifið ólífuolíu yfir. Bakið í ofninum í 20-30 mínútur eða þar til bitarnir eru orðnir mjúkir í gegn og stökkir að utan.
Berið kjúklinginn fram ásamt graskerinu og spínatinu, gott er að hafa kalda sósu með eins og t.d. kalda hvítlaukssósu.