Exótískur kjúklingur sem bragðast ótrúlega

• 900 g kjúklingalæri á beini
• 60 ml sojasósa
• 60 ml fiskisósa
• 55 g púðursykur
• 1 msk ferskt rifið engifer
• 2 tsk sterkt chili-hvítlauksmauk (sambal oelek)
• 1 ½ msk ferskur limesafi
• 1 tsk. fínt rifinn limebörkur
• 3 hvítlauksgeirar, maukaðir eða smátt skornir
• 2 msk. (kúfaðar) fínt saxað kóríander
• 2 msk matarolía
• limesneiðar og kóríanderlauf – til skreytingar

Aðferð:

Setjið kjúklinginn í renniláspoka. Í meðalstórri skál skal píska saman sojasósu, fiskisósu, púðursykur, engifer, chili-hvítlauksmauk, limesafa, limebörk, hvítlauk, kóríander og olíu. Setjið kryddlöginn ofan í pokann og látið marinerast í 30 mínútur hið minnsta og allt upp í fjórar klukkustundir.  

Hitið ofninn í 220 gráður og hafið grindina í miðjum ofni. Notið ofnskúffu og setjið smjörpappír neðst og grind yfir. Takið kjúklinginn upp úr pokanum og leyfið kryddleginum að drjúpa vel af. Setjið á vírgrindina og látið skinnið snúa upp. Hafið gott bil á milli. Bakið uns kjötmælir sýnir 68-71 gráðu eða í 35 mínútur. Ef skinnið er ekki orðið nægilega brúnt og „krispí“ skal setja grillið í gang í smástund þar til kjúklingurinn er orðinn eins og þið viljið. Takið út úr ofninum og látið hvíla í fimm mínútur. Skreytið með limesneiðum og hvítlauk og berið fram.

Uppskrift: SeriousEats(.com)