Lágkolvetna chili con carne með salati og avókadó 

Uppskrift fyrir 2-3 

• 400 gr. nautahakk 
• 1 stk. rauð paprika 
• 1 stk. laukur 
• 2 tsk. taco-kryddblanda, t.d. frá Santa Maria 
• 1 hvítlauksgeiri 
• 200 gr. hakkaðir tómatar 
• 1 msk. tómatpúrra 
• 200 gr. rauðar nýrnabaunir 
• 50 gr. salatblanda 
• 1 stk. fullþroskað avókadó 

Aðferð: 

1. Saxið lauk, papriku og hvítlauk og hitið 1 msk. af olíu á pönnu.
2. Steikið grænmetið á vel heitri pönnunni í um það bil 2 mínútur ásamt kryddblöndunni og hrærið vel saman. Bætið olíu út á pönnuna ef þess þarf.
3. Skolið og þerrið nýrnabaunirnar, skerið avókadó langsum, fjarlægið hýðið og kjarnann og skerið í bita.
4. Bætið nautahakkinu út á pönnuna og steikið þar til orðið brúnt, kryddið til með salti og pipar. Bætið þá 150 ml af vatni út á pönnuna ásamt hökkuðu tómötunum og tómatpúrrunni og leyfið þessu að malla á miðlungshita í um það bil 10 mínútur. Bætið þá nýrnabaununum út á og leyfið réttinum að malla í aðrar 10 mínútur. Berið réttinn fram ásamt salatinu og avókadóinu.