Matur | mbl | 14.11.2018 | 14:05

Lasagna sem kemur algjörlega á óvart

Það eru leynihráefni í þessum rétti sem gefa þér alveg nýja sýn á lasagne. mbl.is/Columbus Leth

Lasagna er einn af þeim réttum sem flestallir elska. Hér er frábær uppskrift að slíkum rétti með hráefnum sem þú hefur eflaust aldrei notað áður í lasagna. Við erum að bjóða upp á kókosmjólk, engifer og grænt karrý-paste, svo eitthvað sé nefnt – mætti segja að rétturinn væri í asískum stíl.

Lasagna með hráefnum sem koma á óvart

1 laukur
2 msk. ólífuolía
2 msk. grænt karrý-paste
500 g nautahakk
2 stórir hvítlaukar
2 msk. rifinn engifer
1 dós hakkaðir tómatar
2 paprikur
Vorlaukur, eitt búnt
100 g spínat
1 dós af kókosmjólk
Salt og pipar
Heilhveiti-lasagne-plötur
75 g rifinn ostur
Ferskur kóríander

Aðferð:

Hitið ofninn í 200° á blæstri.
Hakkið laukinn fínt og steikið upp úr olíu á potti og bætið karrý-paste út í. Því næst kemur hakkið í pottinn.
Setjið pressaðan hvítlauk, engifer og hakkaða tómata í pottinn og leyfið kjötinu að mallar undir loki í 10 mínútur.
Skerið paprikuna og vorlaukinn og setjið út í kjötsósuna ásamt spínatinu. Þegar allt er vel blandað saman er potturinn tekinn af hellunni og kókosmjólkinni hellt út í. Smakkið til með salti og pipar.
Setjið lasagne-plötur og kjötsósu til skiptis í smurt eldfast mót. Endið á kjötsósu og dreifið rifnum osti yfir.
Bakið í 25 mínútur eða þar til osturinn er orðinn gylltur. Dreifið skornum vorlauk og ferskum kóríander yfir þegar rétturinn er tilbúinn og berið fram með salati eða brauði.