Plokkfiskur Maríusar framtíðarstráks

• 800 g ýsa eða þorskur
• 400 g kartöflur
• 1 vænn laukur
• 3 msk. smjör
• 3 dl mjólk
• 3 msk. hveiti
• 1 dl fiskisoð
• 2 tsk. salt
• 1/2 tsk. svartur pipar
• 1/2 tsk. hvítur pipar
• 1 tsk. karrý
• 3 dl rifinn ostur (má sleppa)

Aðferð:

1. Sjóðið kartöflurnar þar til þær eru orðnar mjúkar í gegn. Suðutími er misjafn eftir stærð. Best er að stinga gaffli í kartöflurnar til að sjá hvort þær eru orðnar mjúkar. 
2. Sjóðið fiskinn í 6 mínútur ásamt 1 tsk. af salti og setjið á fat en geymið 1 dl af soðinu úr pottinum. 
3. Afhýðið og skerið kartöflurnar í litla bita.
4. Saxið og steikið laukinn upp úr 3 msk. af smjöri uns hann verður glær. Bætið þá kartöflunum við. 
5. Setjið mjólk, fiskisoð, hveiti og dryddin í krukku og hrisið. 
6. Hellið út á pönnuna og hrærið vel.
7. Látið malla í nokkrar mínútur svo sósan þykkni.
8. Smakkið og bætið við kryddi eftir smekk. 
9. Bætið fisknum við, hrærið vel og látið mala við miðlugnshita í 10 mínútur. 
10. Gott er að setja smá rifinn ost ofan á fiskinn og ofnbaka hann í 15 mínútur uns osturinn er tekinn að gyllast. Það er frábært að bera plokkfisinn fram með rúgbrauði og soðnu blómkáli eða spergilkáli.