Rækjuforréttur með heimagerðu dill-majó

• 2 eggjarauður
• 1 tsk. salt
• 1 msk. epla- eða hvítvínsedik
• 2,5 dl sólblómaolía
• 1 búnt dill
• 500 g rækjur
• 8 sneiðar af góðu súrdeigsbrauði
• Sítróna
• Salt og pipar

Aðferð:

1. Pískið eggjarauðurnar, salt og edik saman.
2. Bætið olíunni út í mjög rólega (jafnvel bara nokkra dropa til að byrja með) og hrærið vel í á meðan. Passið að setja olíuna ekki of hratt út í því þá getur majónesið skilið sig – og þá er best að byrja upp á nýtt. Bætið fínt söxuðu dilli út í og smakkið til með salti, pipar og sítrónusafa.
3. Hreinsið rækjurnar.
4. Berið fram rækjur á smurðu brauði, jafnvel ristuðu og smurðu með majónesi. Saltið, piprið og kreistið sítrónu yfir rækjurnar (ef vill) og því næst dillmajónes þar ofan á.