Matur | mbl | 30.12.2018 | 11:01

Lúxusmorgunverður sem toppar daginn

Morgunverður sem sprengir alla skala. mbl.is/Columbus Leth

Hollur morgunverður sem sprengir í þér bragðlaukana, er það ekki eitthvað sem við viljum ofan á brauð? Það er nefnilega alls ekkert samasem merki á milli þess að hollt sé óspennandi – alveg þveröfugt í þetta skiptið. Megum við bjóða ykkur góðan daginn með avocado, spínati, truffluolíu og parmesan ofan á súrdeigsbrauð?

Bragðlaukssprengja í morgunmat (fyrir 4)

2 þroskaðir avocado
½ sítróna
Salt og pipar
50 g spínat
¼ búnt púrrulaukur
¼ dillbúnt
50 g parmesan
4 súrdeigsbrauðsneiðar
Truffluolía

Aðferð:

Maukið avocado með gaffli og kreistið sítrónusafa yfir. Smakkið til með salti og pipar.
Blandið saman í skál spínati, púrrulauk og dilli. Rífið niður nokkrar breiðar parmesan-flögur og blandið saman við salatið.
Ristið brauðið.
Dreifið avocado-blöndunni á brauðið og setjið salatið þar ofan á. Dreypið truffluolíu yfir sneiðarnar og jafnvel smá meira af kryddjurtunum ef vill.