Matur | mbl | 8.1.2019 | 16:41 | Uppfært 1.2.2019 10:08

Rjómakennd súpa með brokkolí

Við erum meira en til í þessa girnilegu súpu. mbl.is/Tasteofhome.com

Það hafa eflaust einhverjir landar tileinkað sér spennandi matarvenjur á nýju ári. Fyrir ykkur og alla aðra kemur hér ein girnilegasta súpu uppskrift sem við höfum lengi séð. Enda erfitt að standast rjómakennda súpu í brauði. Þá er alveg á hreinu hvað við munum bjóða upp á í hádegismat um helgina.

Rjómakennd súpa með brokkolí

¼ bolli smjör
½ bolli laukur, smátt skorinn
2 hvítaluksrif, marin
4 bollar brokkolí
1 stór gulrót, smátt skorin
3 bollar kjúklingasoð (kraftur frá Knorr)
2 bollar matreiðslurjómi
2 lárviðarlauf
½ tsk. salt
¼ tsk. múskat
¼ tsk. pipar
¼ bolli. maizena-mjöl
¼ bolli vatn eða meira kjúklingasoð
2½ bolli rifinn cheddar ostur
6 litlir brauðhleifar (val)

Aðferð:

Hitið smjör í potti á meðalhita. Steikið lauk og hvítlauk í 6-8 mínútur. Bætið við brokkolí, gulrót, soði, rjóma og kryddum (lárviðarlauf, salt, pipar, múskat). Leyfið þessu að malla þar til grænmetið er orðið mjúkt, 10-12 mínútur.
Blandið saman maizena-mjöli og vatni og setjið út í súpuna. Látið suðuna koma upp og hrærið í á meðan þar til súpan byrjar að þykkna, 1-2 mínútur. Fjarlægið lárviðarlaufin úr súpunni og bætið ostinum út í.
Skerið toppinn af brauðinu og gerið það holt að innan, skiljið samt eftir „góðan vegg“ innan í brauðinu. Fyllið brauðið af súpu og berið fram.