Við höfum lesið margar greinar um hvernig megi halda sér í formi og lifa lengur en aðrir. Stunda líkamsrækt, borða hollt og hætta að reykja eru nokkur af þeim töfratrixum sem finnast í bókinni. Best er þó að spyrja vitra menn og konur sem ná á þriggja stafa aldurinn hver galdurinn sé á bak við langlífi.

Nýverið fagnaði Florence Bearse 100 ára afmæli sínu í New York. Hún var spurð þessarar merku spurningar og svarið var einfalt: hún drekkur rauðvín daglega. Ýmsar rannsóknir styðja við bakið á Florence eins og að minni líkur eru á heilablóðfalli, sykursýki 2 og hjartasjúkdómum. Sumir vilja meina að vínglas á dag dragi einnig úr líkum á sjúkdómum eins og Alzheimer og Parkinsons. Heilt á litið virðist afmælisbarnið vita hvað hún syngur.  

Þið afsakið annars orðavalið en það er bara eitthvað óheyrilega svalt við að vera 100 ára partýkisa.