Geggjaðar brokkolíbollur með fetasósu (fyrir 4)

• 250 g edemame-baunir án belgs
• 1 brokkolíhaus
• 1 laukur
• 3 stór hvítlauksrif
• Handfylli steinselja
• 1 tsk. salt
• 2 egg
• 75 g fetakubbur
• 2 msk. ólífuolía

Fetasósa:

• 75 g fetakubbur
• 2 dl grísk jógúrt
• 2 msk. ólífuolía
• 2 msk. sítrónusafi

Meðlæti:

• 4 dl hrísgrjón
• 150 g grænar baunir
• Ólífuolía
• Salt og pipar

Aðferð:

1. Sjóðið hrísgrjónin samkvæmt leiðbeiningum.
2. Steikið grænu baunirnar upp úr olíu á pönnu og kryddið með salti og pipar.
3. Bollur: Hellið sjóðandi vatni yfir edemame-baunirnar í sigti, þannig að  þær þorni. Skolið brokkolí og skerið í litla bita. Skerið laukinn í litla báta og merjið hvítlaukinn. Setjið edemame-baunir, brokkolí, lauk og hvítlauk í blandara ásamt steinselju, salti og eggi og blandið vel saman. Hrærið því næst muldum fetakubbi út í. Mótið í litlar bollur og steikið upp úr olíu á pönnu.
4. Fetasósa: Blandið feta, grískri jógúrt og ólífuolíu saman í blandara. Smakkið til með sítrónusafa og berið fram með brokkolíbollum, hrísgrjónum og grænum baunum.