Matur | mbl | 16.3.2019 | 5:06

Hin fullkomna pönnukökuuppskrift

mbl.is/María Gomez

Gott fólk. Hér gefur að líta hina fullkomu uppskrift að margra mati. Og hvað einkennir fullkomna uppskrift? Jú, skilgreiningin á henni er einföld. Fullkomin uppskrift er eitthvað sem er snarhollt en bragðast eins og sælgæti!

Það er meistari María Gomez á Paz.is sem á heiðurinn að þessari snilld en matarbloggið hennar er hægt að nálgast HÉR.

mbl.is/María Gomez

Næringarríkar og mettandi amerískar pönnukökur

Þessi uppskrift miðast við einn en auðvelt er að margfalda með þeim fjölda sem þarf

½ banani
½ dl. haframjöl
1 egg
salt á hnífsoddi
kanill á hnífsoddi
2 tsk. hörfræolía en Rapunzel er með mjög litlu bragði
1-2 tsk. möndlu kókóssmjör frá Rapunzel en það er bara svoooo gott
1 tsk. chiafræ
2 tsk. hörfræ (helst möluð)
2 tsk. hreint whey próteinduft
1 tsk. vínsteinslyftiduft (má sleppa)
Val: 3 bitar gróft skorið 70 % súkkulaði

Aðferð:

Setjið allt saman (nema súkkulaðið ef þið notið það) í blandara og maukið mjög vel
Deigið á að vera silkimjúkt og kekkjalaust
Ef þið ætlið að setja 70 % súkkulaði útí er best að skera það gróft niður og hræra svo með skeið við deigið
Hitið svo góða tefflon pönnu þar til hún er mjög heit og lækkið þá aðeins undir henni
Spreyið með Cooking sprey eða notið örlítið af kókósolíu eða smjöri til að festist ekki við pönnuna
Hellið svo á pönnuna og þegar myndast loftbólur ofan á pönsunni er kominn tími til að snúa henni við