Matur | mbl | 13.5.2019 | 17:07

Ostabakkinn fyrir Eurovision-partýið

Það ætla allir í partý á morgun og öll ætlum við að bjóða upp á veitingar. Við hefjum þessa Eurovision-umfjöllun okkar á geggjuðum ostabakka úr smiðju Evu Laufeyjar og Gott í matinn.

Ostabakki með bökuðum Camembert

Ostabakki

1 stk. Dala camembert
1 stk. Gullostur
1 stk. Ljótur
1 stk. Dala Kastali, hvítur
1 stk. Primadonna
Pekanhnetur eftir smekk
Hunang eftir smekk
Fersk ber, t.d. hindber og bláber

Meðlæti
Ávextir, kex, sulta og álegg að eigin vali

Aðferð:

Takið ostinn úr kassanum og opnið filmuna, stráið söxuðum pekanhnetum yfir ostinn og bakið í ofni í 10 mínútur við 180 gráður.
Takið ostinn út úr ofninum og hellið hunangi yfir hneturnar og skreytið með ferskum berjum eftir smekk, t.d. hindberjum og bláberjum.
Raðið ostunum á ostabakka

Höfundur: Eva Laufey Hermannsdóttir

- - -

Fylgstu með Matarvefnum á Instagram og Facebook. Endalaus ævintýri, hugmyndir, skemmtilegir leikir og allt það heitasta heita...

- - -