Matur | mbl | 5.6.2019 | 18:25

Súkkulaðidraumur með kremi og saltkaramellu

Þessi súkkulaðibomba mun trylla mannskapinn. mbl.is/Spisbedre.dk

Súkkulaðikökur finnast í óteljandi stærðum og gerðum og þessi hér er alls engin undantekning. Súkkulaðikaka er örugglega eina kakan sem allir í fjölskyldunni eru sammála um að baka – og hér er á ferðinni ein sannkölluð fjölskylduklassík.

Við mælum með að ná mynd þegar saltkaramellan lekur niður kökuna - og lætur því næst saltflögum rigna yfir kremið.

Súkkulaðidraumur með kremi og saltkaramellu

Botn:

200 g mjúkt smjör
200 g sykur
1 tsk. lyftiduft
80 g hveiti
3 msk. kakó
100 g dökkt súkkulaði
3 egg
1 tsk. maldon salt

Súkkulaðikrem:

75 g mjúkt smjör
225 g flórsykur
125 g mascarpone
150 g mjólkursúkkulaði
100 g valhnetukjarnar

Saltkaramella:

1 dós niðursoðin mjólk
1 dl ljós muscovado sykur
50 g smjör
1 dl rjómi
1 tsk maldon salt

Annað:

Maldon salt til að skreyta.
Kökuform 20 cm.

Aðferð:

Botn:

Hrærið smjör og sykur saman í jafnan massa. Sigtið lyftiduft, hveiti og kakó út í og hrærið vel saman.
Bræðið súkkulaðið yfir vatnsbaði og hellið út í hveitiblönduna. Pískið eggin út í, eitt í einu og því næst kemur maldon saltið.
Hellið deiginu í smurt bökunarmót og bakið kökunaa við 175°C í 45-50 mínútur, þar til bökuð í gegn. Kælið og skerið þá til helminga í tvo botna.

Súkkulaðikrem:

Pískið smjör og flórsykur saman og hrærið mascarpone ostinum út í. Bræðið súkkulaðið yfir vatnsbaði og hrærið því út í smjörkremið. Smyrjið annan botninn með kreminu og leggið því næst hinn botninn ofan á.
Hakkið hneturnar gróflega og ristið á þurri pönnu. Stráið yfir kökuna og látið kökuna standa í kæli í 1 tíma.

Saltkaramella:

Setjið öll hráefnin í pott og látið malla í 15 mínútur, hrærið í með jöfnu millibili þar til karamellan þykknar. Kælið og hellið yfir kökuna. Dreyfið maldon salti yfir.