Matur | mbl | 27.6.2019 | 22:27

Svona gerir þú sultaðan rabbabara

Sultaður rabbabari er algjört lostæti. mbl.is/Spisbedre.dk

Rabbabari verður sífellt vinsælli með árunum og víða erlendis má finna rétti á matseðlum fínustu veitingarhúsa sem innihalda rabbabara. Sultaður rabbabari er líka fullkominn til að bragðbæta salatið eða heimabakaðar kökur – enda smakkast hann eins og sumarið sjálft.

Hér er uppskrift að sultuðum rabbabara sem við mælum með að prófa. En sýrópið sem situr eftir í krukkunni má vel nota sem sósu út á ís, jógúrt eða hafragraut.

Sultaður rabbabari

200 g rabbabari
½ vanillustöng
100 g sykur
1½ dl vatn

Aðferð:

Hreinsið rabbabarann og skerið í þunnar skífur. Leggið í krukku eða annarskonar ílát.
Skrapið kornin úr vanillustönginni og setjið bæði kornin, belginn, sykur og vatn í pott og hitið. Takið af hitanum þegar sykurinn hefur leysts upp. Hendið þá vanillubelginum.
Hellið heitu sykurlaginu yfir rabbabarann og lokið ílátinu. Setjið í kæli til næsta dags.