Matur | mbl | 27.7.2019 | 11:02

Orkubomba morgundagsins

Morgunmatur sem setur línurnar fyrir daginn. mbl.is/Spisbedre.dk

Chiafræ eru rík af próteinum, andoxunarefnum og vítamínum – dásamleg í alla staði. Hér bjóðum við upp á orkubombu í formi chia-grauts sem fyllir líkamann af næringu fyrir daginn.

Orkubomba morgundagsins (fyrir 2)

4 msk. chiafræ
2 dl möndlumjólk
115 g frosin hindber
1 msk. agave síróp
1 dl skyr

Smjörristað haframjöl:

125 g tröllahafrar
1 msk. smjör
3 msk. síróp
Salt á hnífsoddi

Annað:

4 msk. skyr
10 hindber
6 brómber
2 msk. poppað kínóa

Aðferð:

Hrærið chiafræ saman við möndlumjólkina og setjið í krukku með loki og inn í ísskáp til næsta morguns. Chiafræin draga í sig rakann yfir nóttina.
Blandið köldu chiafræblöndunni saman við frosnu hindberin og sírópið í blandara eða matvinnsluvél. Hrærið því næst skyrinu saman við með skeið.
Ristið haframjölið upp úr smjöri á pönnu við meðalhita í 5 mínútur. Bætið sírópinu saman við og hrærið í sirka 2-3 mínútur, eða þar til haframjölið er orðið gyllt að lit. Dreyfið haframjölinu á bökunarpappír, stráið salti yfir og látið kólna.
Setjið ristað haframjöl í botn á tveim krukkum. Hellið chia-blöndunni yfir og toppið með skyri. Skreytið með berjum og poppuðu kínóa.