Matur | mbl | 17.8.2019 | 15:03

Ómótstæðilegt focaccia með óvæntri fyllingu

Þetta focaccia brauð er alveg geggjað! mbl.is/Betina Hastoft

Við elskum óvæntar uppákomur og það er nákvæmlega það sem gerist hér í þessari uppskrift. Grillað focaccia brauð með ferskjum og rósmarín var ekki það sem við héldum að myndi stela senunni í dag.

Focaccia með óvæntri fyllingu

20 g ger
2,5 dl volgt vatn
1 tsk salt
100 g manitoba hveiti (eða annað gróft hveiti)
275 g tipo 00 hveiti (eða annað gott hveiti)
2 ferskjur
1 mozzarellakúla
Ferskt rósmarín
Flögusalt
Ólífuolía

Aðferð:

Hrærið gerið út í volgt vatn og bætið við salti og manitoba hveitinu. Setjið hveitið út í smátt og smátt og hnoðið varlega saman þar til það verður slétt og fínt. Látið hefast í skálinni í 1 tíma.
Hnoðið aðeins aftur í deiginu og fletjið það svo út þannig að það sé jafn þykkt allsstaðar.
Stráið hveiti á bökunarplötu eða bökunarstein (bökunarpappír mun brenna).
Skerið ferskjurnar í báta og ýtið þeim ofan í deigið með höndunum. Rífið mozzarella kúluna niður og dreifið yfir deigið. Stráið rósmarín og salti yfir og dreypið ólífuolíu yfir allt. Látið hefast í 30 mínútur.
Setjið bökunarsteininn á rist inn í ofn eða á grillið – sirka 225°C.
Bakið í 15-20 mínútur.