Ekta mexíkósk veisla upp á tíu

Maís-salat:

• 4 maísstönglar
• 1 jicama, skrældur og skorinn í litla bita
• ½ bolli kóríander, söxuð
• 1/3 bolli vorlaukur
• ¼ bolli mulinn cotija-ostur
• Salt og pipar
• ¼ tsk. chilikrydd
• 1/8 tsk reykt papríka
• 1 lime, safinn og börkurinn rifinn
• Litlar tortillakökur

Hvítlauks-lime dressing:

• ½ bolli majónes
• 2 hvítlauksrif, marin
• 1 lime, safinn

Aðferð:

1. Hitið grillið á meðal hita. Penslið maísstönglana með ólífuolíu og saltið og piprið. Leggið á grillið og brúnið í 8-10 mínútur, munið að snúa á milli. Látið kólna aðeins.
2. Skerið kornin af stönglunum og setjið í stóra skál ásamt jicama, kóríander, vorlauk, cotija ostinum, chili kryddi, papríkukryddi, salti og pipar. Blandið saman og bætið rifnum lime berki og safa saman við.
3. Dressing: Blandið öllum hráefnum saman.
4. Setjið dressingu ofan á hverja tortilla og leggið nokkrar skeiðar af maíssalatinu yfir. Bætið við meiri dressingu ef vill og toppið með cotija osti og kóríander.