Matur | mbl | 3.9.2019 | 11:15 | Uppfært 11:49

Pastarétturinn sem mun æra bragðlaukana

Alveg tjúllaður pastaréttur! Hér eru spínat, sveppir og karamelluseraður laukur að tala saman. mbl.is/Stine Christiansen/Skovdal & Skovdal

Hvernig líst þér á að smakka pastarétt með spínati, sveppum og karamelliseruðum lauk? Það mun enginn sitja við matarborðið án þess að fá vatn í munninn yfir þessum rétti.

Pastarétturinn sem þú munt slefa yfir (fyrir 4)

Karamelliseraður laukur:

1 msk. smjör
3 meðalstórir laukar, skornir í þunnar skífur
salt á hnífsoddi
1 tsk. balsamedik

Sveppir:

Ólífuolía
150 g ferskir sveppir, blandaðir
1 tsk. sojasósa

Annað:

500 g fettucinepasta
u.þ.b. 300 g ferskt spínat
1,5 dl rjómi
½ dl vatn eða grænmetiskraftur
50 g fínrifinn parmesan
Flögusalt og pipar

Aðferð:

Karamelliseraður laukur:

Bræðið smjörið á pönnu og steikið laukinn. Látið hann veltast um á pönnunni á meðalhita í 25-30 mínútur.
Laukarnir eiga að verða gylltir á lit og mjúkir þegar þeir byrja að karamelliserast. Bætið salti út á og balsamediki og leggið til hliðar.
Byrjið að sjóða pastað samkvæmt leiðbeiningum.

Sveppir:

Hitið olíu á pönnu og steikið sveppina á háum hita þar til gylltir. Kryddið með salti og pipar – sirka fimm mínútur.
Leggið lauk og spínat á pönnuna og veltið saman í nokkrar mínútur á lágum hita. Bætið rjómanum út á pönnuna ásamt parmesan og salti og leyfið sósunni að ná suðu.
Sigtið vatnið frá pastanu og setjið pastað út á pönnuna. Látið malla í nokkrar mínútur og leggið því næst lok yfir í nokkrar mínútur til viðbótar. Piprið og berið fram.