Frábært pasta með kryddsmjöri og sveppum (fyrir 4)

• 300 g lumaconi pasta
• 2 hvítlauksrif
• 1 dl blandaðar jurtir, t.d. salvía, timían, basilika
• 200 g stórir sveppir
• Ólífuolía
• Parmesan

Kryddsmjör:

• 1 hvítlauksrif
• ½ lime
• 1 msk. basilika
• 75 g smjör við stofuhita
• chiliflögur á hnífsoddi
• Salt og pipar

Aðferð:

1. Sjóðið pastað samkvæmt leiðbeiningum.
2. Saxið hvítlauk og jurtir smátt.
3. Skerið sveppina í skífur og steikið upp úr ólífuolíu þar til þeir taka lit.
4. Bætið hvítlauk út á pönnuna ásamt jurtum og steikið áfram í nokkrar mínútur.
5. Blandið pastanu út á pönnuna og veltið saman. Smakkið til með salti og pipar.
6. Rífið parmesan yfir og berið fram með kryddsmjöri.

Kryddsmjör:

1. Pressið hvítlaukinn, rífið utan af limeberkinum og saxið basilikum fínt. Blandið saman við mjúkt smjörið og chiliflögur.
2. Smakkið til með salti og pipar.