Stórkostlega bragðgóð eplakaka

• 2 egg
• 200 g sykur
• 100 g smjör
• 200 g hveiti
• 1 tsk. lyftiduft
• 1 msk. vanillusykur
• 1 epli

Annað:

• 2 epli
• 1 msk. kanill
• 2 msk. sykur

Aðferð:

1. Hitið ofninn á 180°C.
2. Pískið egg og sykur þar til það verður „froðukennt“. Bræðið smjör í litlum potti á lágum hita og látið kólna áður en þið hellið í eggjamassann.
3. Blandið hveiti, lyftidufti og vanillusykri saman og sigtið í deigið. Hrærið vel í með skeið þar til deigið er slétt og fínt.
4. Skrælið 1 epli og skerið litla teninga, blandið þeim svo út í deigið með skeið.
5. Smyrjið smelluform (20 cm) og hellið deiginu ofan í.

Ofan á:

1. Skerið eplin í þunnar sneiðar og myndið þétt munstur með þeim ofan á deigið.
2. Blandið saman kanil og sykri og stráið jafnt yfir kökuna.
3. Bakið í ofni í 35 mínútur en athugið hvort kakan sé bökuð í gegn áður en þið takið hana úr ofninum.
4. Berið fram á meðan kakan er ennþá volg, með vanilluís, rjóma eða öðru sem hugurinn girnist.