Matur | mbl | 25.10.2019 | 11:01

Extra gott lasagne

Gómsætt og girnilegt lasagne af allra bestu gerð. Sæson_Henrik Freek

Við þekkjum öll lasagne, en þetta hér er með því betra sem þú munt smakka og stútfullt af góðu grænmeti. Hér er mælst með að setja grænmetið í matvinnsluvél og hakka það fínt niður – en það má líka saxa það smátt.

Extra gott lasagne (fyrir 6)

1 msk ólífuolía
400 g nautahakk
100 g sveppir
2 laukar
3 gulrætur
1-2 stór hvítlauksrif
50 g beikon, skorið í litla bita
2 dl kraftur
1 dós hakkaðir tómatar
2 msk. tómatpurré
Salt og pipar
2 tsk. oregano
1 tsk. timían
12 lasagneplötur
150 g rifinn ostur

Sósa:

25 g smjör
2,5 msk. hveiti
½ l sjóðandi léttmjólk
Salt og pipar
Nýrifið múskat

Aðferð:

Skerið sveppina smátt ásamt lauk, gulrótum og hvítlauk. Steikið upp úr olíu á pönnu. Bætið beikonbitum út á pönnuna og því næst nautahakkinu og steikið áfram.
Krafturinn kemur út á pönnuna og síðan hökkuðu tómatarnar, purré og önnur krydd. Látið malla í 20 mínútur og smakkið til með salti og pipar.
Sósa: Bræðið smjörið í potti og hrærið hveitinu saman við. Hrærið mjólkinni út í, smátt og smátt. Látið suðuna koma upp og hrærið í á meðan í 5 mínútur. Smakkið til með salti og pipar og múskati.
Smyrið eldfast mót og leggið lasagneplötur í botninn. Setjið kjötsósu yfir og því næst sósu. Dreyfið örlítið af ostinum yfir og endurtakið 2 sinnum til viðbótar.
Setjið lasagne í ofninn á 200°C í 30-35 mínútur.
Berið fram með góðu brauði og salati.