Matur | mbl | 4.11.2019 | 14:42

Kjúklingasalatið sem kitlar bragðlaukana

Hrísgrjónasalat með kjúkling og grænu gotteríi. mbl.is/Line Falck_Sæson.dk

Hvernig er best að útskýra salat sem þetta nema með einu orði – stórkostlegt! Því hér um ræðir rétt sem gæti verið á matseðli einhverra veitingahúsa en er sáreinfaldur og hægt að matreiða í eldhúsinu heima.

Ferskt kjúklingasalat með grjónum

2 kjúklingabringur frá Ali
3 dl kraftur
1 brokkolí
½ iceberg salat
4 gulrætur
2 maíisstönglar
200 g soðin hrísgrjón

Karrýdressing:

2 dl hrein jógúrt
2 msk ólífuolía
2 tsk karrý
1 stórt hvítlauksrif
Salt og pipar

Aðferð:

Setjið kjúklinginn og kraftinn í pott og sjóðið í 15 mínútur. Hellið vatninu af og rífið kjúklinginn í sundur með gaffli.
Skerið brokkolí í litla bita og gufusjóðið í nokkrar mínútur.
Skerið salatið niður og skerið gúrkuna í teninga. Skrælið gulræturnar og rífið þær fínt niður með járni sem gefur langar ræmur. Skerið maíisinn af stönglunum.
Hrærið öll hráefnin saman í dressinguna og smakkið til með salti og pipar.
Veltið soðnum hrísgrjónum saman við grænmetið og kjúklinginn og berið fram með dressinguna til hliðar.