Matur | mbl | 6.11.2019 | 12:29

Ómótstæðilegt kjúklingapasta

Eitt það besta sem þú getur boðið maganum upp á í dag. mbl.is/Line Thit Klein

Ítalir eru ekkert að flækja hlutina þegar kemur að matargerð. Þetta snýst allt um að raða réttu hráefnunum saman og njóta. Rétt eins og í þessari uppskrift þar sem pasta, parmesan og beikon mætast.

Ómótstæðilegt kjúklingapasta (fyrir 4)

400 g spaghettí eða pasta
500 g kjúklingabringur
1 msk. timían, söxuð
1-2 msk. olía
100 g beikon, steikt
100 g brauðteningar
50 g parmesan

Parmesandressing:

50 g parmesan, fínt rifinn
1 stórt hvítlauksrif
1 tsk dijon sinnep
1-2 ansjósur
2 dl hrein jógúrt
Salt og pipar
Extra parmesan til skrauts

Aðferð:

Blandið öllum hráefnum saman í dressinguna og smakkið til með salti og pipar.
Sjóðið pastað samkvæmt leiðbeiningum.
Skerið kjúklinginn í langar ræmur og stráið timían, salti og pipar yfir.
Steikið kjúklinginn á heitri pönnu upp úr olíu í 2-3 mínútur.
Steikið beikonið á pönnu. Setjið pastað í stóra skál og blandið því saman við kjúklinginn, beikon, brauðteninga og dressinguna.
Setjið í 4 skálar, dreifið nýrifnum parmesan yfir og berið fram.