Matur | mbl | 5.12.2019 | 11:23

Rjómakennt kjúklingalasagne

Alveg svakalega gott kjúklingalasagne. mbl.is/Kærehjem.dk_Anette Nilsson

Hér ræðir um ekta lasagne sem gleður sálina – þú færð það ekki betra en þetta hér. Stundum er þörfin bara svo sterk að við þurfum að fá akkúrat svona mat í magann. Hér er uppskrift að æðislegu lasagne með hráefnum sem þú hefur aldrei áður notað í slíkan rétt.

Rjómakennt kjúklingalasagne

350 g úrbeinuð kjúklingalæri frá ALI
1 laukur
4 stór hvítlauksrif
Ólífuolía
100 g sveppir
5 dl matvinnslurjómi
2 dl rifinn cheddar-ostur
2 tsk. maísþykkni
½ dl grófhakkaðar valhnetur
4-6 ferskar lasagne-plötur

Annað:

6 litlir rauðlaukar
1 dl edik
2 dl sykur
3 dl vatn
½ dl söxuð steinselja

Aðferð:

Hitið ofninn í 175°C.
Skerið kjúklinginn í litla bita.
Saxið lauk og hvítlauk og skerið sveppina í skífur.
Steikið kjúklinginn upp úr ólífuolíu og bætið lauk, hvítlauk, spínati og sveppum út á pönnuna. Steikið þar til spínatið verður mjúkt. Smakkið til með salti og pipar.
Hitið matvinnslurjómann í potti og blandið rifna ostinum saman við. Bætið við maísþykkni (blönduðu saman við smávegis af vatni). Hitið að suðu – saltið og piprið.
Setjið kjúkling, valhnetur, sósu og lasagne-plötur í eldfast mót og byrjið og endið á sósunni.
Hitið í ofni í 40 mínútur.
Annað: Skerið laukinn til helminga og í strimla. Setjið edik, vatn og sykur í lítinn pott og hitið að suðu. Takið af hitanum og setjið laukinn út í edikblönduna.
Þegar lasagne-ið er tilbúið – toppið þá með sultuðum lauk og saxaðri steinseju og berið fram.