Matur | mbl | 30.12.2019 | 23:41

Nýárskakan er súkkulaðibomba

Þessi er algjör bomba! Tilvalin nýársterta fyrir alla sælkera. mbl.is/Alt.dk_Cecilie Helmersen

Bomba á gamlárs? Hér í súkkulaðiformi sem gestirnir munu elska að gæða sér á. Þessa gerir þú deginum áður og átt því meiri tíma til að dekra við aðalréttinn. Uppskriftin er reiknuð fyrir 8-10 manns.

Nýárskakan er súkkulaðibomba

Botn:

1 pakki bastogne kex (260 g)
75 g smjör
2 msk. fljótandi hunang

Fylling:

500 g gæða súkkulaði
⅓ dl sterkt kaffi
3 msk appelsínulíkjör
½ l rjómi

Annað:

Gull glimmer, sem má borða

Aðferð:

Setjið kexið í matvinnsluvél og myljið það fínt.
Bræðið smjör og hunang saman í potti en passið að það sjóði ekki.
Blandið saman kexmulningnum og smjörblöndunni og pressið blöndunni í 25 cm smelluform (klæðið það fyrst með smjörpappír).
Bræðið súkkulaðið í fyllinguna yfir vatnsbaði og hrærið kaffinu og líkjörinu saman við. Pískið rjómann á meðan súkkulaðið kólnar.
Hrærið 1/3 af rjómanum út í súkkulaðiblönduna veltið restinni af rjómanum varlega saman við þar til allar hvítar rjómastrípur hverfa.
Hellið súkkulaðimassanum yfir botninn og setjið inn í kæli yfir nótt.
Kakan á að berast fram köld og stráið smá gull glimmeri yfir áður en kakan er borin fram.