Við elskum nýjungar – sérstaklega frá meistara Bitz sem heldur áfram að færa okkur nýjar freistingar fyrir eldhúsið.

Eitt af því heitasta frá Bitz þessa dagana eru nýir salt- og piparstaukar sem passa fullkomlega með matarstellinu sem við þekkjum svo vel. Vörurnar verða fáanlegar í þeim vinsælu litum sem prýða m.a. diska og skálar frá fyrirtækinu. Toppurinn á staukunum er úr eik sem gefur hlýju á móti keramíkinni og ákveðinn karakter.

Aðrar nýjungar eru kaffibollar, salatáhöld og súpuskál. En skálin og bollarnir þola uppþvottavél, örbylgjuofn, 18°C frost sem og 220°C hita.
Við erum til í þetta allt saman!