Matur | mbl | 22.3.2020 | 11:10 | Uppfært 11:50

Morgunmúffur sem þú getur ekki staðist

mbl.is/Frederikkewærens.dk

Við elskum góðar morgunmúffur – og þá sérstaklega um helgar. Hér eru þær mjúkar og fullar af orku og henta því vel í brönsinn eða sem snakkbiti seinnipartinn þegar úlfatíminn hringir bjöllunni á heimilinu.

Morgunmúffur sem þú getur ekki staðist (9 stk.)

3 dl súrmjólk
3 dl haframjöl
2 egg
2 msk. hunang, fljótandi
¾ dl rapsolía eða önnur álíka
225 g þurrkaðir ávextir, t.d. döðlur, apríkósur, fíkjur eða rúsínur
75 g heslihnetur, grófhakkaðar
120 g hveiti
salt á hnífsoddi
2 tsk. lyftiduft

Aðferð:

Hitið ofninn í 200°C á blæstri.
Blandið súrmjólk og haframjöli saman.
Pískið egg og hunang þar til létt og loftkennt og bætið þá rapsolíunni saman við.
Saxið þurrkuðu ávextina og setjið út í eggjablönduna ásamt söxuðu hnetunum.
Blandið hveiti, salti og lyftidufti saman og veltið upp úr deiginu ásamt súrmjólkinni og haframjölinu.
Hellið deiginu í níu form og bakið í ofni í 25-30 mínútur.
Látið múffurnar kólna og njótið.

Uppskrift: Frederikke Wærens

- - -

Fylgstu með Matarvefnum á Instagram og Facebook. Endalaus ævintýri, hugmyndir, skemmtilegir leikir og allt það heitasta heita...

Svo megið þið endilega tagga okkur á Instagram þegar þið eruð að elda eitthvað spennandi @matur.a.mbl