Matur | mbl | 22.3.2020 | 17:10

Rétturinn sem rífur þig á fætur

Nachos í morgunmat er alls ekki svo slæm hugmynd. mbl.is/Colourbox

Það þarf ekkert að beita fortölum til að fá okkur til að borða nachos í morgunmat – við erum alltaf til í það. Hér er klassískur nacho- réttur útbúinn sem morgunþruma með hrærðum eggjum. Réttur sem rífur þig á fætur.

Rétturinn sem rífur þig á fætur

6 stór egg
½ msk. canola-olía
150 g nachos-flögur
1 bolli Montery Jack-ostur, rifinn
¼ bolli jalapenjo
1 avókadó, skorinn í þunnar sneiðar
1 bolli ferskt tómatasalsa (tómatar, laukur og kóríander blandað saman)
2 msk. kóríander, saxað
sýrður rjómi
lime

Aðferð:

Sláið eggin út með ¼ tsk. af salti. Takið fram pönnu sem má fara inn í ofn og hitið olíu á meðalhita. Setjið eggin á pönnuna og hrærið varlega í í 3-4 mínútur. Setjið í skál og til hliðar. Þurrkið það mesta af pönnunni.
Hitið ofninn á grillstillingu. Dreifið helmingnum af nachos-flögunum á pönnuna og helmingnum af ostinum þar yfir. Setjið hinn helminginn af flögunum yfir og restina af ostinum. Því næst koma eggin og jalapenjo. Hitið í ofni þar til osturinn byrjar að bráðna og flögurnar brúnast – í sirka 1-2 mínútur.
Takið úr ofni og toppið með avókadó, kóríander og tómatasalsa.
Berið fram með sýrðum rjóma og lime-skífum ef vill.