Matur | mbl | 1.4.2020 | 14:03

Klassísk gulrótakaka sem allir elska

Það jafnast ekkert á við nýbakaða gulrótaköku. mbl.is/Colourbox

Klassísk gulrótakaka er alltaf öruggt val og þessa köku geta börnin auðveldlega hjálpað til við að baka. Kakan er fullkomin við öll tilefni, hvort sem um eftirrétt eða sunnudagskaffi sé að ræða. Því allir elska góða gulrótaköku.

Klassísk gulrótakaka sem allir elska (fyrir 6-8)

150 g möndlumjöl
125 g gróft spelti
2 tsk. lyftiduft
1,5 tsk. kanill
½ tsk. salt
3 egg
3 gulrætur
1 epli
40 g valhnetukjarnar
70 g góð olía
4 msk. kókossykur

Frosting

150 g rjómaostur
50 g hreint skyr
Raspaður börkur af 1 sítrónu
2-3 msk. ahorn sýróp
½ tsk. vanillusykur

Skraut

Heslihnetur eða gulrætur

Aðferð:

Blandið möndlumjöli, spelti, lyftidufti, kanil og salti saman í skál.
Rífið gulræturnar og eplið niður með rifjárni – notið grófari hliðina.
Saxið valhneturnar gróflega.
Hrærið egg, olíu og kókossykur saman og blandið því saman við þurrefnin og valhneturnar. Hrærið vel saman og bætið því næst gulrótum og eplinu saman við.
Hellið deiginu í smurt smelluform, 22 cm, og bakið í ofni við 180° í 40-45 mínútur, eða þar til bakað í gegn. Látið kólna áður en kremið fer á.