Matur | mbl | 10.5.2020 | 13:36 | Uppfært 11.5.2020 19:23

Súkkulaði-french toast sem ærir mömmurnar

Ljósmynd/Linda Ben

Það er mæðradagurinn í dag og sjálfsagt að gera heiðarlega tilraun til að gleðja mömmuna í ykkar lífi með einhverjum smá huggulegheitum í tilefni dagsins.

Þessi uppskrift kemur frá Lindu Ben og er hreint út sagt æðisleg ... mælum með því að þið prófið. Mömmur ykkar munu allavega gleðjast.

Súkkulaði-french toast

Nákvæmt aðferðarmyndband er að finna á Instagram.com/lindaben í “french toast” highlights.

1 stk. Cocio-súkkulaðimjólk
2 egg
6 stk. brauðsneiðar
brómber
kókos frá Til hamingju
möndlur frá Til hamingju
súkkulaðisósa

Aðferð:

Setjið egg í frekar lítið eldfast mót (nógu stórt fyrir eina brauðsneið) og hrærið þau saman, hellið súkkulaðimjólkinni út á og hrærið saman. Leyfið brauðinu að liggja í 1 mín., snúið því eftir hálfa mínútu.
Steikið brauðið á pönnu í u.þ.b. 2 mín. á hvorri hlið.
Endurtakið fyrir restina af brauðinu.
Berið fram með brómberjum, möndlum, kókos og súkkulaðisósu.