Matur | mbl | 18.5.2020 | 11:04 | Uppfært 13:21

Ofnbakaður kjúklingaréttur fyrir alla fjölskylduna

Girnilegur kjúklingaréttur fyrir alla fjölskylduna. mbl.is/Colourbox

Hér bjóðum við upp á mildan kjúklingarétt þar sem sítróna leikur stórt hlutverk. Þetta er réttur sem öll fjölskyldan mun elska, og þá ekki síst kokkurinn á heimilinu þar sem lítið er um uppvask.

Ofnbakaður kjúklingaréttur fyrir alla fjölskylduna (fyrir 4)

4 kjúklingalæri frá Ali
Salt og pipar
2 sítrónur
2 msk. ólífuolía
1 kg kartöflur
1 msk. þurrkað oregano
360 g grænar ólífur

Aðferð:

Hitið ofninn í 200°C.
Þurrkið kjúklingalærin með eldhúsrúllu og kryddið með salti og pipar. Skerið sítrónurnar til helminga.
Hitið olíu á stórri pönnu sem má fara inn í ofn. Steikið sítrónurnar á skurðarhliðinni þar til gylltar.
Takið sítrónurnar af pönnunni og setjið kjúklinginn út á. Brúnið vel á báðum hliðum og takið því næst af pönnunni.
Skerið kartöflurnar í grófa teninga og steikið á pönnunni og kryddið með salti, pipar og oreganó. Veltið á pönnunni og steikið í sirka 5 mínútur (má jafnvel bæta aðeins við ólífuolíuna). Hellið vökvanum frá ólífunum og setjið út á pönnuna. Því næst kemur kjúklingurinn og kartöflurnar.
Pressið safann úr sítrónunum yfir pönnuna og leggið sítrónurnar á pönnuna.
Setjið inn í ofn í 30 mínútur eða þar til kjúklingurinn er stökkur og fulleldaður.
Skreytið með steinselju og berið fram.