Matur | mbl | 1.7.2020 | 16:44 | Uppfært 17:37

Rétturinn sem kemur bragðlaukunum á óvart

Dásamlegur spaghettí réttur sem mun trylla bragðlaukana. mbl.is/Colourbox

Hér bjóðum við upp á ofureinfalda útgáfu af spaghettí sem inniheldur „hráa“ tómatsósublöndu. Eða ekkert óþarfa umstang á pönnunni því sósan er köld. Rétturinn er svo toppaður með ricotta sem setur punktinn yfir i-ið.

Spaghettíréttur sem tryllir bragðlaukana (fyrir 4)

1 kg ferskir tómatar
1 stórt chili
1 rauðlaukur
2 stór hvítlauksrif, pressuð
Handfylli fersk basilika
Raspaður börkur af 1 sítrónu
½ dl ólífuolía
Balsamikedik
Flögusalt og pipar
1 askja ricotta
200 g spínat
300 g spaghettí

Aðferð:

Saxið tómatana, chili og rauðlauk. Blandið saman ásamt pressuðum hvítlauk, basilikum og röspuðum sítrónuberki. Smakkið tómatsósuna til með ólífuolíu, balsamikedik, flögusalti og pipar.
Hrærið ricotta í skál með salti.
Sjóðið pastað samkvæmt leiðbeiningum og hellið síðan vatninu af.
Blandið spínatinu saman við spaghettíið. Og blandið síðan tómatsósunni saman við.
Setjið spaghettí á fjóra diska og toppið með ricotta. Kryddið með salti og pipar og berið fram.